Një ngjarje shokuese është zbuluar ditën e djeshme, ku një nënë nga Korçe ka futur foshnjën e saj të sapolindur në valixhe dhe e ka lënë për më shumë se një muaj të mbyllur në valixhe.
Foshnjën e ka gjetur të vdekur në banesë bashkëshorti i gruas. Burri kishte rreth 1 muaj që ishte kthyer nga emigracioni dhe kishte konstatuar erë të rëndë në dollap, por pa qenë fillimisht ne gjendje ta përcaktonte shkakun, deri në momentin që zbuloi këtë të hënë, foshnjën e vdekur në valixhe.
Bashkëshorti i ka thenë policisë se fëmija që u gjet i vdekur nuk ishte i tij, pasi ai kishte rreth 1 vit që ndodhej në emigracion. Ndërkohë që çifti ka edhe një fëmijë tjetër 15 vjeç.Nëna e fëmijës vuan nga probleme të shëndetit mendor dhe është dërguar në maternitet për ekzaminime të mëtejshme.
Mjekja neuropsikiatre, Nikolina Bode nxori detaje tronditëse për ngjarjen e rëndë në Korçë.
Bode shprehet se familjarët e kanë konstatuar shtatzëninë e 40-vjeçares në muajin dhjetor të vitit të kaluar, duke shtuar se gruaja kishte refuzuar që të vizitohej nga mjekët.Madje mjekja tha se gruaja pohon se fëmijën e kishte lindur dikush tjetër.
Alpenews.al ju risjell rastet tronditëse jo shumë afër në kohë por që kanë shokuar mjaft opinionin, kur nënat “mizore” kanë vrarë foshnjat e tyre.
E varros në oborr. Nëna mbyt foshnjen
I dashuri i martuar me 5 fëmijë i mohon atësinë, 29-vjeçarja vret foshnjën, dy ditë pas lindjes në shtëpi. Foshnja u zbulua pas 48 orësh nga krimi rrëqethës, i varrosur në oborrin e shtëpisë së 29-vjeçares Eriona Sirika, në fshatin Borizanë të Krujës.Vetë nëna e re ka treguar për fatin e foshnjës, i seksit mashkull, duke pranuar se e kreu aktin makabër pasi nuk kishte shpresë për martesë me të atin.
Vlorë, nëna vret foshnjen e porsalindur
Një foshnje e sapolindur humbi jeten në maternitetin e Vlorës, pasi nena e tij 27-vjecare e hodhi nga dritarja e më pas ka hedhur edhe veten.Foshnja vetem disa oreshe nderroi jete menjehere ndersa nëna mori plagë të lehta. Gruaja e re i ka telefonuar bashkeshortit ne oren 3 te mengjesit dhe ka kerkuar ta takonte. Ne momentin qe ai ka shkuar poshte dritares ajo ka hedhur foshnjen duke thene se nuk ishte i saj.
Librazhd, nëna mbyt foshnjen 2 muajshe me jastëk
Kishte mbytur foshnjën me jastëk por familjarëve të bashkëshortit të saj u kishte thënë se e kishte mbytur pa dashje duke i dhënë gji.
Orjola Lleshi kishte foshnjën nga një lidhje jashtëmartesore, të cilën e kishte pasur gjatë kohës që bashkëshorti i saj ishte emigrant në Greqi.Kur i vogli kishte lindur ajo kishte shkuar në Greqi dhe atje kishin nisur konfliktet.Bashkëshorti i ka kërkuar Orjolës të kthehej në Shqipëri dhe të divorcoheshin pasi fëmija nuk ishte i tij.
Elbasan/ Nëna vret fëmijen 4-vjeçar
Në fshatin Gogolesh të Elbasanit, në gjendje të rënde depresive një nënë 26 vjecare i ka dhënë fund jetës së të birit të saj 4 vjecar.Pas ketij krimi Nexhmije Dushku prej tre vitesh e divorcuar ka tentuar te vetevritet duke u veteplagosur me arme te ftohte.
Alpenews.al