Në Jalë, aty ku LSI-ja mbledh si çdo vit të rinjtë e saj, kemi parë plot herë ndodhi nga më te ndryshmet që në kohen kur në krye të saj ishte Presidenti i sotëm, Ilir Meta.
Kur stafetën e mori Monika Kryemadhi gjërat duket se u bënë edhe më “agresive”.
Më datë 26 gusht të vitit të kaluar LRI ka mbyllur kampingun, ndërkohë që sot duket se ka nisur për këtë vit edhe 5 ditëshi i “qejfit”.
Të rreshtuar njëri pas tjetrit, me komanden “gati tu”, para një viti të rinjtë betoheshin se do rrëzonin Ramën teksa këndonin si në stervitjen e mëngjesit në ushtri.
Sot, pasi Rama nuk u rrëzua, të rinjtë e kanë nisur kampingun qetësisht duke pastruar mjedisin pranë.
Kryetarja e Rinisë, Kërpaçi u shpreh e bindur se kryeministri Rama do rrëzohej shpejt ndonëse deklarata nuk përbën asnjë ndryshim nga ato që opozita thotë dita ditës.
Kjo qetësi, lidhet mesa duket edhe me kryetaren e LSI, Monika Kryemadhi e cila prej më shumë se një muaji është tërhequr nga skena e politikës.
Mbetet të shpresojmë se me 31 gusht, kur të mbyllet edhe kampingu mos të shohim një tjetër video ku këndohet me dorë në zemër: “Mbas burrneshës shkoni të gjithë, ta rrëzojmë këtë qeveri….”.
Përgatiti: AlpeNews.al
