Ka mjaftuar një deklaratë për mediat e ministres së drejtësisë, Etilda Gjonaj që e gjithë LSI të angazhohej me sulme në statuset e tyre.
Ndërkohë që Gjonaj sqaroi edhe njëherë përgjegjësitë në debatin për Gjykatën Kushtetuese, reagimet që erdhen nuk ishin asfare për këtë.
I pari ishte zëdhënësi i Presidentit, që duket se nuk do të heqë dorë nga gjuha jo etike kundrejt zonjave të qeverisë, por jo vetëm.
Fill pas tij, erdhi edhe statusi i nënkryetarit të LSI, Petrit Vasilit që duket se reagimet normale brenda normave etike ka mbaruar punë me kohë.
“Nuk e mori SPAK-u akoma kete mashtruesen e ministrise se drejtesise!”, shkruan Vasili.
E si të mos mjaftonin, një tjeter reagim bie në sy pasi vjen pikërisht nga një tjetër femër. Kejdi Mehmetaj e LSI, shkon deri aty sa e quan ministren “kurbanin” e radhës së Ramës.
“Etildës tani i ka mbetur vetëm të përballet me drejtësinë, aty ndoshta do ti dhimbset vetja që pranoi të ishte një tjetër “kurban” i Edi Ramës”, shkruan ndër te tjera Mehmetaj pa lëvizur shumë nga fjalët e Blushit dhe Vasilit… por rëndësi ka pjesëmarrja.
ALPEnews.al
