Ministrja e Kulturës Mirela Kumbaro është e ftuar mbrëmjen e sotme në emisionin “Top Show” të gazetarit Alban Dudushi në një diskutim përballë artisteve të skenës Arben Derhemi, Altin Basha, Genc Fuga, Gëzim Kame dhe Robert Budina.
Në emision do të diskutohet nëse po shpërngulet Teatri Kombëtar? A do ta zënë vendin e teatrit kulla shumëkatëshe? A po tenton ministrja të centralizoje dhe kontrolloje prurjet teatrore dhe kinematografike? Dhe pse nuk gjen qetësi ligji për kulturën dhe artin? Të gjitha këto keni mundësi t’i ndiqni gjatë emisionit “Top Show” në Top Channel.
Ministrja Kumbaro sqaroi se një pikat që ndryshojnë në ligjun për Kulturën dhe Artin janë në aspektin financiar, me argumentin për të zgjedhur cilësinë para aspektit ekonomik.
“Nismë e Ministrisë së Kulturës për disa amendime të ligjit, amendime që synojnë 2-3 elementë që do t’i cilësoja decentralizues. Neni 26, që ka të bëjë me financimin, ishte edhe pika kryesore për këtë nismë. Ky nen e përjashton Ministrinë e Kulturës nga tenderat, por të shkojë drejtpërsëdrejti tek produkti. Tenderimi shikohet në aspektin ekonomik dhe jo gjithmonë përzgjidhet cilësia më e mirë. Të gjitha institucionet e tjera, si Bashkitë çlirohen nga procedura e tenderimit”, shprehet Kumbaro.
