Ndoshta disa njerëz janë ndërgjegjësuar rreth mos përdorimit të shisheve plastike dhe kanë vendosur që për të mirën e planetit tonë mos ti përdorin më.
Në vendin e tyre kanë marrë shishe në formën e termoseve që mbajnë dhe ujin të freskët për shumë kohë por gjithashtu mund të rimbushen disa herë, për një përdorim të gjatë.
Por sipas profesorit të biologjisë në Universitetin William Paterson, Miryam Z. Wahrman dhe autor i librit “Hand”: Ne mbijetojmë në një botë të mbushur me mikrobe, këto mikrobe mund të kontaminojnë ujin në shishet tona të ripërdorshme, veçanërisht nëse e lëmë kapakun hapur kur ne nuk jemi duke pirë nga ajo.
Sapo të merrni atë gllënjkë të parë, “uji i mbetur në shishe do të ketë gjurmët ose mikrobet që ishin në buzët dhe në gojën tuaj”, thotë Wahrman.
“Mund të ketë edhe grimca të ushqimit në ujë nëse keni ngrënë dhe pirë.”
Cili është rreziku i mos larjes së shisheve të ujit rregullisht?
“Shishet e ujit të ndotura mund të transmetojnë shumë gjëra që ju mund të merrni nga kontaktet rastësore me një person tjetër,” thotë Wahrman. Kjo përfshin ftohjet dhe gripin dhe gjithashtu shumë infeksione të tjera më pak të zakonshme, madje edhe të rralla.
