Besnik Muçi nuk është kualifikuar për Kryeprokuror të Përkohshëm dhe i Përgjithshëm.
Komisioni pas shqyrtimeve vlerësoi se prokurori Muçi nuk i përmbushte kushtet për të mbajtur këtë post. Por i menjëhershëm ka qenë reagimi i prokurorit i cili në një deklaratë për mediat pranë Krimeve të Rënda tha se ligji parashikon që të kesh 15 vite punë si jurist dhe jo si prokuror, unë e plotësoj këtë kusht.
Ai ka dalë në një deklaratë për mediat ku ka theksuar:
“Unë i plotësoj të gjitha kriteret për kryeprokuror. Ku e kanë gjetur kushtin e 15 vjetëve prokuror? Kryeprokurori zgjidhet nga juristët e spikatur. Ligji parashikon 15 vite pune si jurist, jo si prokuror”, tha Muçi.
Ndërkohë i pyetur nga mediat nëse ka dijeni lidhur me përjashtimin, ose nëse kjo e fundit lidhet me ndonjë prej preferencave të Komisionit, Muçi nuk ka patur dëshirë që t’i përgjigjet.
Ai ka shtuar se për 15 ditë do të mbushë 15 vjet në detyrë si Prokuror, dhe se ky ka qenë një prej pikave kyçe për zgjedhjen e PPP.
Ndërsa lidhur me zgjedhjen e PPP janë përzgjedhur tre emra për garën.
Ata janë Arta Marku, Ferdinad Elezi, dhe Ermira Tafani si emrat që kanë plotësuar shumicën e kritereve të vendosura nga Komisioni i Ligjeve.
/ Përgatiti: AlpeNews.al
