Monika Kryemadhi ka qenë e ashpër sot me kreun e qeverisë ndërsa nuk kurseu as kërcënimet.
Kreu i LSI tha sot se mund të kenë mbaruar burrat, por jo gratë që do të hakmerren ndaj Edi Ramës.
Sipas saj, për Ramën nuk do të ketë qetësi dhe dashuri.
“Ia bëj të qartë Edi Ramës se bandat e tij përballë miliona shqiptarëve janë shumë të vogla.
Çdo shtëpi e ka një njeri që di të marrë shenjë aty ku duhet” – tha Kryemadhi.
Ajo deklaroi se Rama ka veshur nënat me të zeza për djemtë e humbur.
“Ndaj kam një mesazh për Ramën nga parlamenti i LSI.
Meqë ka merak të madh për LSI, po ia bëj të qartë që LSI nuk është më e kohës kur kishte Ilir Metën që kishte hallin e stabilitetit e të dashurisë dhe qetësisë.
Dashuri dhe qetësi me kriminelin ka mbaruar, nuk ka me atë njeri që ka veshur me të zeza nënat e shqiptarëve.
E dimë që është e vështirë, por ne nuk do ndalemi, mund të ndalen burrat, por gratë e këtij vendi jo.
Rama të mos guxojë të cënojë asgjë të shqiptarëve se nuk do ketë përballje ligjoje, por personale se nuk ka për ta falur të aradhmen e fëmijëve asnjë”, tha Kryemadhi.
Deklaratat e Kryemadhit erdhën në mbledhjen e Komitetit Drejtues të LSI, mesditën e së premtes.