Ekipi shkencor i laboratorit të Institutit në Kroaci, i udhëhequr nga dr.sc. Olier Vugrek, ka identifikuar praninë e variantit brazilian në vend.
Sipas mediave lokale, nga 50 mostrat e analizuara, njëra prej tyre rezultoi të ishte i ngjashëm me variantin brazilian të COVID-19.
Sipas raportimeve, mostrat në fjalë u grumbulluan dhe u analizuan nga dhjetori 2020 deri në shkurt të këtij viti. Mostrat u mblodhën në Politekniken Medikol, e më pas u dërguan për një analizë më të specializuar në Institut.
Mostrat thuhet se u mblodhën nga tri qytete kroate, Zagreb, Çakovec dhe Osijek, dhe lloji brazilian u konfirmua në një mostër nga Zagrebi që u testua më 30 janar 2021.
