Bisedimet në Itali për të formuar një kabinet të ri të drejtuar nga Mario Draghi, hynë sot në ditën e fundit. Presidenti i vendit Sergio Matarella i ka kërkuar Mario Draghi-t, ekonomist dhe ish-kreut të Bankës Qendrore Evropiane (BQE), për të krijuar një kabinet me shumicën parlamentare.
Pasi vendi u zhyt në krizë pasi ish-koalicioni qeverisës, i përbërë nga Lëvizja Pesë Yje dhe Partia Demokratike, i drejtuar nga Giuseppe Conte ra pas mosmarrëveshjeve për mënyrën e ndarjes së granteve të BE dhe fondin e Rimëkëmbjes. Draghi ishte në Romë të Martën për të përfunduar raundin e tij të dytë të takimeve me forcat politike në vend në mënyrë që ai të mund të propozonte një kabinet të ri.
Në takimin e së hënës me partitë e pakicave, Draghi njoftoi synimin e tij për të reformuar kalendarin shkollor dhe për të shpejtuar programin e vaksinimit. Ish Presidenti i BQE shpreson të zgjasë vitin akademik deri në qershor për të kompensuar kohën e humbur gjatë pandemisë COVID-19.
Draghi ka propozuar gjithashtu reformim të taksave dhe drejtësisë. Lega, partia e ish-ministrit të brendshëm Matteo Salvini, tha se do të dëshironte të mbështeste Draghi, ndërsa mbështetja ka ardhur gjithashtu nga ish-kryeministri Silvio Berlusconi. Por Lëvizja Pesë Yje (M5S), tha se do të lejojë që baza e anëtarëve të vendosë, përmes një votimi në internet.
Ndërkohë, Italia Viva e Matteo Renzi, e cila ishte shkaktare e krizës duke tërhequr mbështetjen e saj për qeverinë e Giuseppe Conte në janar, pritet të përsërisë mbështetjen e tyre për qeverinë e propozuar e Draghi.
Një nga pengesat e mëdha për Draghi do të jetë që të bashkëjetojnë me Partinë Demokratike progresive dhe Lidhjen e ekstremit të djathtë.
Analistët kanë sugjeruar që ekonomisti mund të përpiqet të formojë një ekzekutiv të përzier të ngjashëm me atë të Carlo Azeglio Ciampi në 1993.
Javën e kaluar Presidenti Sergio Mattarella i bëri thirrje Draghi-t për të formuar një qeveri të bashkimit kombëtar të aftë për të trajtuar krizën shëndetësore dhe ekonomike të shkaktuar nga pandemia.
Draghi pritet të raportojë përsëri te Mattarella të Mërkurën mbi mundësinë e tij për të krijuar një qeveri të re.
