Policia greke ka arrestuar një refugjate sirian, motra e së cilës konkurroi në Olimpiadën e 2016-ës, për të ndihmuar emigrantët të hyjnë ilegalisht në vend. Sarah Mardini, 23 vjeç, ishte një nga tre anëtarët e një grupi të arrestuar në atë që policët e përshkruan si një operacion për të çmontuar një “rrjet kriminal”.
Ajo dhe motra e saj Yusra erdhën në Evropë pasi ikën nga lufta siriane në vitin 2015. Atë vit, çifti ndihmoi në shpëtimin e një numri të konsiderueshëm emigrantësh duke tërhequr varkën e tyre në breg në Greqi.
Avokati i Mardini tha për agjencinë e lajmeve AFP se klientja e tij kishte qenë vullnetare në ishullin e Lesbos në Qendrën Ndërkombëtare të Reagimit të Emergjencave, kur ajo u arrestua së bashku me një shtetas grek dhe një irlandez.
Ajo është duke u mbajtur në një burg jashtë Athinës, shtoi ai, duke e përshkruar rastin si “kriminalizimin e ndihmës që u është dhënë refugjatëve”. Po ashtu Zonja Mardini mohon akuzat kundër saj.
Më shumë se 8,000 njerëz janë duke u mbajtur në kampin Moria në ishull, në kushte shumë të këqija.
/AlpeNews.al
