Një ngjarje e rëndë ka ndodhur në Itali, ku një burrë shqiptar ka goditur disa herë me thikë të shoqen e tij, në sy të fëmijëve.
Ngjarja ka ndodhur gjatë natës që lamë pas në Piacenza. Gruaja është dërguar me urgjencë në spital, ku ndodhet jashtë rrezikut për jetën.
48-vjeçari shqiptar është shoqëruar në polici dhe mbi të rëndojnë akuza të shumta për tentativë vrasje, keqtrajtim, dhunë në familje, kërcënim etj.
Policia ka hyrë në banesën e çiftit, pasi fqinjët kanë telefonuar në organet kompetente, për shkak të zhurmës së lartë dhe të ulëriturave të gruas 28-vjeçare.
Sipas mediave italiane, në momentin që ka ndodhur ngjarja, burri ka qenë në gjendje të dehur. Gjithçka ka ndodhur në sy të fëmijëve të tyre të mitur.
Dy fëmijët janë dërguar tek një i afërm i çiftit për t’u kujdesur. Policia vijon hetimet për zbardhjen e plotë të shkaqeve dhe rrethanave të ngjarjes.
