Donjet Beqiri, vëllai i Kreshnik Beqirit të masakruar para më shumë se një viti nga shoku i tij, trupi i të cilit i gjet copëtuar në një valixhe në periferi të qytetit të Fierit, bën apel që procesi hetimor të jetë më i shpejtë dhe kërkon që të provohet shkencërisht që kufoma e gjetur i përket ose jo vëllait të tij.
Sipas tij prokuroria nuk pranon që të japë sqarime dhe shprehet se nuk ka asnjë të dhënë për çështjen e vëllait të tij.
“Nuk jam pranuar 4 herë, si familje nuk kemi marrë asnjë informacion për çështjen. Përse prokuroria e Fierit nuk pranon që të japë sqarime. I bëj lutje autoritetve ti japin zgjidhje kësaj situate. Të më japin fakte dhe prova konkrete ligjore. Nuk është marrë asnjë kampion, asgjë. Afati kohor ka kaluar. Me gjithë këtë gjë që po vazhdon në këtë drejtim ai që është dënuar për mua mbetet i dyshuar, dhe për ne nuk ka trup. Nuk është gjetur trupi.”- u shpreh Donjet Beqiri.
Kreshnik Beqiraj, 36 vjeç, banues në Fier u gjet i vrarë në Janar të këtij viti. Ndërkohë nga ana e organeve hetimore është bërë e mundur identifikimi e ndalimi i autorit të vrasjes Albert Zekaj, 32 vjeç, banues në Kalldrun, Bashkia Koplik, Malësi e Madhe.
Ky shtetas ka qenë shok me viktimën K.B., ku janë njohur para tre vjetësh në Belgjikë dhe më pas kanë qëndruar në shtëpi me qera në qytetin e Fierit.
Më datë 22.06.2017 rreth orës 23:00 ky shtetas dyshohet se e ka vrarë ne sende te forta dhe trupin e ka hedhur në afërsi të fshatit Daullas.
Zekaj u shoqërua në Drejtorinë Vendore të Policisë Fier, ku pas marrjes në pyetje ai pranoi autorësinë e vrasjes dhe hedhjen e kufomës në vendin ku u gjet.
Viktima ishte denoncuar në polici i humbur nga familjarët, por nga veprimet e kryera si dhe nga dyshimet e familjarëve, në muajin Janar 2018 Drejtoria Vendore e Policisë Fier ka nisur hetimet pasi dyshohej se ky shtetas mund të ishte vrarë ose rrëmbyer.
Nga kryerja e veprimeve proceduriale u sekuestruan në cilësinë e provës materiale:
– një batanije e cila kishte shërbyer për transportin e trupit.
– një çekiç me të cilin autori ka kryer krimin;
– mbetje të trupit të cilat u dërguan pranë Institutit të Mjekësisë Ligjore Tiranë, për ekzaminim të mëtejshëm.
