Një vrasje e dyfishtë ka ndodhur në një familje në qytetin e Dibrës.
Sipas burimeve nga vendngjarja, djali ka vrarë me kallashnikov mamanë dhe të atin. Autori i vrasjes është Qemal Sela 26 vjeç, ndërsa viktimat janë Flamur dhe Zeqimete Sela, respektivisht 55 vjeç dhe 50 vjeç.
Sipas informacioneve paraprake, djali që vrau prindërit jetonte prej 7 vitesh në Angli dhe u kthye ditën e djeshme (5 Qershor).
Krimi i rëndë ka ndodhur në shtëpinë e familjes në lagjen “Llixha”. Motivet e kësaj ngjarje të rëndë janë ende të paqarta. Djali vrasës është arrestuar nga policia dhe po merret në pyetje për zbardhur shkaqet.
Njoftimi paraprak i Policisë së Dibrës:
Në lagjen “Llixha”, Qyteti Peshkopi, ka ndodhur nje vrasje në familje.
Shtetasi Qemal Sela, rreth 26 vjeç, ka vrarë me armë zjarri automatik babain dhe nënën e tij , shtetasit: Flamur Sela, 55 vjeç, dhe Zeqimete Sela, 50 vjeçe, banues në Peshkopi.
Policia në kohë rekord ka arritur të kapë autorin e vrasjes.
Grupi hetimor vijon hetimet në vendin e ngjarjes.
