Një ngjarje e rëndë ka ndodhur mbrëmjen e djeshme teksa babai shqiptar vrau vajzën e tij 20 vjeçare.
Familja Lekaj jetonte prej vitesh në Australi e megjithatë mentaliteti duket si një rrënjë që vështirë të “shkulet”.
Thënë kjo pasi, Petrit Lekaj i dha fund jetës së vajzës së tij Sabrina Lekaj vetëm sepse 20 vjeçarja ishte frekuentuese e party-ve në vendin ku banonin.
Siç bëhet me dije, babë e bijë kanë kaluar një zënkë të rëndë në makinë e më pas e vrau.
Si ndodhi ngjarja:
Petrit Lekaj, një shqiptar në Adelaide të Australisë, është arrestuar për vrasjen e vajzës së tij, Sabrina Lekaj, pasi kishte dalë me shoqet gjatë natës. 20-vjeçarja u gjet e vrarë në makinën e saj, ndërsa babai 49-vjeçar ishte aty pranë, i lyer me gjak.
Shoqet e saj thanë për mediat australiane se vajza kishte shprehur shqetësim se do t’i bërtiste babai kur të shkonte në shtëpi, pasi e kishte kaluar natën duke festuar me to. Vajza njihej nga shoqet si një studente shumë e talentuar për mjekësi, dhe tepër ambicioze me studimet. Veç kësaj, ishte dhe një pianiste shumë e zonja.
Kjo nuk duket të jetë e vetmja ngjarje e rëndë e këtij lloji në familje. Kujtojmë këtu një prej krimeve që tronditi rëndë opinionin public në mesnatën e 1 janarit të këtij viti.
Bëhet fjalë për Anxhelina Petron e cila u vra nga babai i saj Aleko Petro vetëm sepse ky I fundit nuk pranonte lidhjen e vajzës së tij me një djalë afgan.
Përgatiti: AlpeNews.al
