Micro Credit Albania” dhe “Final” dy shoqëri tregtare, që kur u ngritën, kanë patur për qellim skemën e mashtrimit dhe mendim unik criminal, në lidhje me mikrokreditë. Ky është konkluzioni i Prokurorisë së Tiranës, e cila vendosi nën sekuestro këto dy firma që zhvatën qytetarët me kreditë e këqija që u jepnin. MCA ka mbi vete vetëm veprën penale të “mashtrimit me pasoja të rënda dhe kryer më shumë se një herë dhe në bashkëpunim”; por “Final” përveç akuzës së përbashkët me MCA, akuzohet edhe për pastrim parash. Por deri më tani, nga Prokuroria e Tiranës nuk jepen sqarime se paratë e kujt janë “pastruar” përmes kësaj kompanie që tashmë është nën sekuestro.
Nga hetimet, del se MCA dhe Final, duke bashkëpunuar me shoqërinë “ADCA” dhe me disa shoqëri të tjera përmbarimore kanë krijuar një skemë mashtruese për të zhvatur qytetarët. Ende nuk është përllogaritur vlera e mashtrimit ndaj qytetarëve, për shkak se është ose në para, ose në prona, ose të dyja bashkë janë të riinvestuara. Ndaj përllogarit një dëm që sipas hetuesëve arrin në 10-tra milion euro. Të gjitha këto prona dhe para që u janë marrë qytetarëve, kompanitë i kanë investuar ose i kanë përdorur për aktivitete të tjera. Prokuroria ka dalë në përfundimin se punonjës e tyre, në bashkëpunim me përmbaruesit: kanë përdorur të dhënat personale të siguruara në mënyrë të paligjshme të individëve,debitorëve pa asnjë mundësi për përballimin e jetesës së përditshme. Bëhet fjalë për numra e telefonit, të vetat apo të familjarëve dhe të dhëna të gjendjes civile, punësimi etj.
Kanë përdorur presionin psikologjik dhe përndjekjen e debitorëve dhe familjarëve të tyre nëpërmjet telefonatave të vazhdueshme, dhe jo vetëm telefonata, me qëllim nënshkrimin e marrëveshjeve të reja të kredive
Kanë gënjyer në përllogaritjen e një detyrimi të fryrë dhe pa asnjë bazë ligjore. Kanë sekuestruar llogari bankare në kundërshtim me ligjin dhe tej minimumit jetik, madje dhe pa ndonjë afat kohor. Kanë sekuestruar prona të paluajtshme në mënyrë jo proporcionale me detyrimin e mbetur. Kanë shitur apo kanë kaluar në pronësi të MCA, pasuritë e paluajtshme të debitorëve apo personave të tjerë në ankande fiktive me vlera shumëfish më të ulëta se sa vlera reale e këtyre pronave, prona të cilat janë vlerësuar në mënyrë fiktive.
Mashtrimin, presionin dhe çdo veprim tjetër që prokuroria ka renditur, I kanë bërë për të detyruar debitorët të merrnin kredi të reja në këto institucione me principial të fryrë dhe me interesa shumë të larta. Për t’i bindur, qytetarët i gënjenin se vetëm në këtë mënyrë do të shlyenin kredinë ekzistuese. Deri tani për mashtrimin me mikrokreditë, janë lënë në masën e sigurisë “arrest shtëpie”: Elda Ibro, Jorsida Dervishi, Alketa Tanushi e Kejda Seferi, ndërsa në burg janë: Arben Meskuti, Aldo Daka, Albert Gega dhe Edmond Mato, në kërkim ende Alban Kote. Tashmë çështja është në SPAK dhe gjithçka pritet të dalë në shesh.
Shoqëritë në mënyrë abuzive kanë:
Përdorur të dhënat personale të siguruara në mënyrë të paligjshme të individëve/debitorëve pa asnjë mundësi për përballimin e jetesës së përditshme (numrat e telefonit, të vetat apo të familjarëve dhe të dhëna të gjendjes civile, punësimi etj);
Përdorur presionin psikologjik dhe përndjekjen e debitorëve dhe familjarëve të tyre nëpërmjet telefona të vazhdueshme( dhe jo vetëm) me qëllim nënshkrimin e marrëveshjeve të reja të kredive;
Përdorur gënjeshtrën që konsostente në përllogaritjen e një detyrimi të fryrë dhe pa asnjë bazë ligjore;
Sekuestrimin e llogarive bankare në kundërshtim me ligjin dhe tej minimumit jetik, madje dhe pa ndonjë afat kohor;
Kryer sekuestrimin e pronave të paluajtshme në mënyrë jo proporcionale me detyrimin e mbetur; dhe
Kanë “shitur/kaluar” në pronësi të MCA, pasuritë e paluajtshme të debitorëve apo shtetasve të tjerë në ankande fiktive me vlera shumëfish më të ulëta se sa vlera reale e këtyre pronave, prona të cilat janë vlerësuar në mënyrë fiktive.
