Gjykata e Lushnjës ka caktuar masën “Arrest me burg” për Fisnik Halilin djalin 19-vjeçar nga Cërriku i cili akuzohet se ka kryer marrëdhënie seksuale me një 11-vjeçare nga Toshkëzi i Lushnjes.
Avokatja e tij mbrojtëse Eva Gjeta , tha vendimi është i padrejtë pasi djali nuk ka kryer marrëdhënie me të miturën. Në fjalën e saj ajo tha se gjykata nuk kishte asnjë provë në lidhje me denoncimin e kryer, por pohoi se ai e ka marrë në shtëpinë e tij për qëllime serioze. Sipas saj vajza nuk i ka treguar se është e mitur.
‘Sapo dola nga ambientet e gjykatës ku u vlerësua seanca gjyqësore. Nga ana e organit të akuzës nuk u paraqit asnjë provë që të provohet fakti që i mbrojturi prej meje të ketë konsumuar një nga vepra për të cilat akuzohet. Por gjykata vendosi që të vendoset masa ‘arrest me burg’. Për ne ky është një vendim i pambështetur në prova. Djali nuk pranon të ketë kryer marrëdhënie seksuale. Ai thotë se e ka njohur prej një jave e ka marrë në shtëpi për qëllime serioze dhe në asnjë moment nga vajza nuk i është bërë me dije se ka qenë një e mitur.’- tha avokatja.
Ndërkohë që pritet të dalë dhe ekspertiza mjeko-ligjore për më tepër për t’u paraqitur si element për shqyrtimin e akteve të sjellë nga mbrojtja. Ngjarja e rëndë u denoncua një ditë më parë, ku dyshohet se një 19-vjeçar ka kryer marrëdhënie seksuale me një 11-vjeçare.
