Besimtarët mbushen kishat, në ditën më të rëndësishme për të krishterët, lindjen e shpëtimtarit Jezu Krisht.
SHKODËR
Qindra besimtarë kremtuan meshën e vigjiljes së Krishtlindjes në Katedralen e Shën Shtjefnit në Shkodër. Arqipeshkvi Giovanni Peragine theksoi se Krishtlindja nuk duhet të kufizohet vetëm në simbole dhe zbukurime, por të shoqërohet me vepra humane.
Fishekzjarrët ndriçuan qiellin e Shkodrës në përfundim të meshës.
KORÇË
Në Korçë, qindra besimtarë ortodoksë kremtuan meshën Krishtlindjen në Katedralen “Ngjallja e Krishtit. Mitropoliti Anastas dha mesazhe për tolerancë e bashkim.
Qyteti u gjallërua nga aktivitete artistike dhe muzikë live, duke krijuar një atmosferë festive për qytetarët dhe turistët.
VLORË
Në kishën e Shën Theodhorit, dhjetëra besimtarë ndoqën liturgjinë hyjnore të drejtuar nga At Kostandin Prifti.
FIER
Besimtarët ndezën qirinj në flakët e pishtarit që simbolizon lindjen e Krishtit, në orët e para të 25 dhjetorit ne kisha e Shën Gjergjit.
DURRËS
Kishat katolike dhe ortodokse të Durrësit u mbushën me besimtarë që ndoqën meshën e Krishtlindjes.
LEZHË
Krishtlindja u kremtua edhe në Lezhë, ku qindra besimtarë iu bashkuan ritualit fetar në Katedralen e Shën Nikollit. Ipeshkvi Otavio Vitale foli për mungesën e paqes në Shqipëri dhe në botë.
Mesha solli një prani të madhe besimtarësh brenda dhe jashtë katedrales, ndërsa rituali zgjati deri në mesnatë.
Në Gjirokastër, Sarande, Elbasan, Kruje, Puke e Vaun e Dejës ceremonitë e lutjes dhe lajmërimit të lindjes së Jezu Krishtit u ndoqën nga qindra besimtarë.
Lagjet muzeale “Mangalem” dhe “Goricë” u ndriçuan nga dritat shumëngjyrëshe, duke i dhënë një pamje mbresëlënëse qytetit të UNESCO-s.
Ndërsa Himara zgjodhi një mënyrë të veçantë feste, ku Babagjyshi mbërriti nga ajri, duke surprizuar fëmijët në shëtitore.
