Kryeministri Edi Rama ka komentuar sërish vendimin e presidentit Ilir Meta për të anuluar datën e zgjedhjeve.
Nga Dibra, Rama e krahasoi vendimin e Metës, duke sjellë në vëmendje rastin e Bujar Nishanit, i cili siç tha Rama, e kërkoi me shkrim e firmë marrëveshjen e vitit 2017 mes Ramës dhe Bashës.
“Pasi ne bëmë marrëveshjen dhe ishte publike, presidenti i asaj kohe, mund të themi ça të duam, por Bujar Nishani e kërkoi me shkrim e firmë, në një letër të përbashkët, timen dhe shokun tim që m’ka humb dhe s’po e kap dot më, Lul Bashës, që t’i kërkonim presidentit atë shtyrje brenda kushtetutës, sepse është detyrimi numër një, nuk mund ta vendosë presidenti pasi e ka deklaruar se kur bëhen zgjedhjet, pa pyetur të tjetër”, deklaroi Rama.
