Ministri në detyrë i Punëve të Jashtme, Behgjet Pacolli ka njoftuar se Kosova nuk do të marrë pjesë në ceremoninë e Nobelit në Stokholm këtë vit.
Përmes një postimi në rrjetin social Twitter, Pacolli ka konfirmuar se ambasadori i Kosovës do ta bojkotojë këtë event, pasi Peter Handke, ka qenë mik dhe mbështetës i politikës së Millosheviqit.
“Unë e kam udhëzuar Ambasadorin e #Kosovo në #Sweden që të bojkotojë ceremoninë e @NobelPrize për Handke. Një shkrimtar që mbështeti #Milosheviçin dhe politikat e tij për genocidin në Bosnje nuk e meriton @NobelPrize. Kjo forcoi politikat e mohimit dhe revizionizmit në Beograd”, shkruan Pacolli.
