Kryeministri Edi Rama ka vizatuar ditën e sotme pallatin e Sportit në Përmet, ku ka takuar të rinjtë dhe të rejat e ekipit të basketbollit dhe klubit të ping pongut.
Kreu i Qeverisë shoqërohej nga kryebashkiakja e Përmetit, Alma Hoxha, ministrja e Turizmit, Mirela Kumbaro dhe ministrja për Rininë dhe Fëmijët, Bora Muzhaqi
Rama ka pranuar një “sfidë” nga një prej lojtareve më të mira të ekipit të basketbollit, por rezultati nuk zhgënjeu, duke pasur edhe parasysh që Rama ka luajtur në rininë e tij basketboll.
Si Rama ashtu edhe lojtarja e basketbollit realizuan kosh, e ndërsa ministrja e Rinisë ftoi fëmijët e klubit të ping pong-ut që të zhvillojnë një lojë më kryeministrin.
“Hajdeni, hajdeni luani me kryeministrin”, tha Muzhaqi.
Ndërkohë kryeministri njoftoi se po përgatisin unformat të njëjta për të gjithë ekipet e basketbollit në vend.
“Pallati i Sportit, Përmet – Me ekipin vajzave të basketbollit dhe klubin e pingpongut, që me pasionin e sakrificën e pashembullt kanë arritur të jenë sot krenaria e qytetit dhe nesër sportistet elitare që do të na nderojnë në evente ndërkombëtare.
Ekipet e shkollave, sipas programit të dedikuar për promovimin e sportit, janë mbështetur vazhdimisht edhe nga bashkitë me infrastrukturë e bazë materiale” shkruan rama krahas videos në rrjetet sociale.
