Instituti Kombëtar i Shëndetësisë Publike të Kosovës ka njoftuar se pas marrjes së mostrave të 100 personave që kanë qenë në kontakt të afërt me pacientë të infektuar me koronavirus, është konfirmuar edhe për 26 persona tjerë të prekur me këtë sëmundje.
“Nga këto mostra të marra për testim në virusin SARS-CoV, njëzet e gjashtë (26) prej tyre kanë rezultuar positive”, është thënë në njoftim.
Ky Institut ka njoftuar se 14 raste janë Komuna e Malishevës, 11 raste nga Gjilani dhe 1 rast nga Gjakova.
Duke marrë parasysh rastet e fundit, i bie që në Kosovë aktualisht është raportuar për 61 persona të prekur nga kjo sëmundje.
Të dielën është raportuar edhe për 1 person të vdekur si pasojë e infektimit me Covid-19.
Komunikatë për media SITUATA EPIDEMIOLOGJIKE ME COVID-19! Sonte me 23.03.2020 në Laboratorin e Mikrobiologjisë…
Gepostet von Instituti Kombëtar i Shëndetësisë Publike të Kosovës am Montag, 23. März 2020
