Ylli i operës, Placido Domingo ka rezultuar pozitiv me koronavirus. Lajmin e ka konfirmuar vetë ai në “Facebook”.
“Unë mendoj se është detyra ime morale t’ju njoftoj se kam rezultuar pozitive me COVID-19. Familja ime dhe unë jemi të gjithë në izolim për aq kohë sa kjo do të jetë e nevojshme.”
Ai u testua pasi kishte kollë dhe ethe. Ai i inkurajoi të gjithë që të lajnë duart dhe të ndjekin udhëzimet.
“Së bashku mund ta luftojmë këtë virus dhe të ndalojmë krizën aktuale në mbarë botën, kështu që me shpresë mund të kthehemi në jetën tonë të përditshme normale shumë shpejt.”
Në këtë mënyrë, Domingo i bashkohet listës së VIP-ave të infektuar, duke përfshirë edhe çiftin e bashkëshortëve Tom Hanks dhe Rita Wilson.
