Komisioni Kombëtar i Shëndetit në Kinë njoftoi 108 raste të reja të koronavirusit këtë mëngjes, numri më i lartë gjatë gjithë muajit.
98 persona të infektuar e kanë sjellë koronavirusin me vete nga jashtë vendit.
Por ka pasur edhe 10 raste që e kanë marrë brenda vendit- shtatë në provincën verilindore të Heilongjiang dhe tre në provincën Guangdong në jug të vendit.
Pavarësisht se është epiqendra origjinale për pandeminë e koronavirusit, Kina ka parë një ulje të madhe të rasteve gjatë muajit të kaluar dhe së fundmi ka filluar të heqë masat e rrepta të bllokimit në të gjithë vendin.
Por zyrtarët tani janë të shqetësuar për një valë të dytë të infeksionit të sjellë në Kinë nga jashtë vendit.
Numri i përgjithshëm i rasteve të raportuara zyrtarisht në vend tani është 82.160, me 3.341 vdekje.
