Rritet numri i personelit mjekësor të infektuar me koronavirus në vendin tonë.
Mësohet se kanë rezultuar pozitiv me Covid-19 edhe tre kryeinfermierë tek Spitali Infektiv në QSUT.
Raportohet se tre të infektuarit janë shtruar tek Spitali Infektiv, pasi kanë shfaqur simptoma të koronavirusit.
Kujtojmë se më herët u raportuar se edhe Andi Koraqi shefi i Laboratorit të Mikrobiologjisë në QSUT është infektuar me koronavirus.
Kësisoj numri i mjekëve dhe infermierë të infektuar në vend nga 33 ka shkuar në 36.
Kujtojmë se ditë më parë u njoftua se të infektuar me Covid-19 janë edhe kreu i Urgjencës Kombëtare, Skënder Brataj dhe drejtoresha e Përgjithshme e Shërbimeve të Kujdesit Shëndetësor, Mirela Cami.
Në total në vendin tonë janë raportuar 223 të infektuar dhe 12 viktima nga Covid-19, ku numrin më të lartë të të prekurve e mban Tirana.
