Edhe Bashkia e Kukësit vijon të shpërndajë miell për rreth 4 mije familjet në nevojë te qytetit dhe fshatrave ne bashkëpunim me biznesin vendor. Granit Gjana, drejtor i zyrës se kabinetit tha sot se u shpërndan 10 ton miell nga ekipet e patronazhit te cilët kane shkuar pranë çdo familje në gjendje shumë të vështirë social-ekonomike.
Me herët për familjet në nevojë të 15 njësive administrative u shpërndanë edhe 25 ton miell. Krahas ndihmës me miell familjet në nevojë nga Bashkia po ndihmohen edhe me pako ushqimore dhe medikamente. Ashtu si edhe pensionistet. Bashkia u bëri apel qytetarëve të qëndrojnë në shtëpi në respektim të rregullave për parandalimin e COVID-19, sepse është bashkia që kujdeset për ta.
