Qeveria Conte po planifikon të mbyllë shkollat në të gjithë Italinë duke filluar nga nesër ose të hënën. Gjithsesi në çdo rast, qeveria është e vendosur të mbështetet në mendimin e Komisionit Shkencor i cili dje rekomandoi pezullimin e eventeve sportive në të gjithë vendin për një muaj. Ministri i Shëndetësisë Roberto Speranza, duket se është në favor të mbylljes së shkollave
Në rast se këto orë vendoset të procedohet, Kryeministri Giuseppe Conte do të njoftojë masën e sigurisë, mbase edhe në takimin me partnerët socialë që do të zhvillohet pasdite në Kryeministri.
Mbyllja e shkollave në të gjithë Italinë është një rrugë që ekzekutivi Conte do ta marrë në konsideratë tani gjatë samitit të thirrur nga kryeministri në selinë e qeverisë me të gjithë ministrat.
Pezullimi i përkohshëm i procesit mësimor mendohet të jetë për një periudhë prej dy javësh, por edhe mund të zgjatet për një muaj.
