Numri i lartë i vdekjeve në të gjithë botën si pasojë e koronavirusit çoi në nevojën e testimit dhe përdorimit të ilaçeve që përdoren kundër malaries apo HIV-AIDS.
Por në francë, Agjencia e Mbikëqyrjes së Farmaceutikëve thotë se tre persona humbën jetën dhe 30 të tjerë kanë raportuar efekte anësore serioze pas përdorimit të tyre, si probleme me zemrën.
Dominique Martin, kreu i agjencisë, ka bërë thirrje që askush dhe në asnjë rrethanë të mos vetëmjekohet apo të përdorë këto ilaçe pa asistencën e mjekut.
Kundër malaries, lupusit apo artritit reumatoid perdoret një ilaç me përberje hidroksiklorine, teksa kundër virusit HIV azitromicina me antibiotikë dhe Kaletra, një kombinim i dy antiviralëve, lopinavir dhe ritonavir.
Në kohën që këto medikamente po tastohen në disa vende, përfshirë Italinë, javën e kaluar një person humbi jetën në SHBA pasi u vetëmjekua me versionin jo-farmaceutik të Plaquenil.
Në Francë debati mbi përdorimin e ketyre ilaçeve nisi pasi testimi i tyre në jug të vendit tregoi rezultate premtuese në trajtimin e COVID-19.
