Pasi e gjithë Italia është “kyçur” një masë drastike kjo për të mos lejuar përhapjen e koronavirusit, një valë e re paniku ka përfshirë popullatën atje.
Mësohet se ndërsa kryeministri i vendit, Conte njoftonte masat e reja qytetarët e Romës janë dyndur nëpër supermarkete.
“Morëm vesh për ketë bllokimin e përgjithshëm dhe nuk donim të mbanim radhë. Nuk e dimë nëse do të kemi probleme më vonë”. Kështu shprehet një grua nga Roma pak pasi e gjithë Italia është shpallur zonë e kuqe.
“Zbritëm në supermarket sapo dëgjuam lajmet. Blemë makarona, vaj, oriz dhe tani do mbyllemi në shtëpi”,- thotë një tjetër.
Janë 9172 të prekur dhe 463 të vdekur nga koronavirusi në këtë shtet.
(m.a/BalkanWeb)
