Tre punonjëse të Gjykatës së Shkallës së Parë Elbasan janë infektuar me koronavirus.
Bëhet me dije se për shkak të rasteve është mbyllur Gjykata e Shkallës së Parë dhe se gjykohen vetëm rastet urgjente.
Mësohet se janë prekur nga koronavirusi dy sekretare gjyqësore dhe kryesekretarja e Gjykatës.
Sakaq, pritet përgjigja e tamponit për dy punonjës të tjerë të kësaj gjykate, të cilat kanë pasur kontakt me personat e prekur nga COVID-19.
Gjykata Elbasan ka bërë me dije se rifillimi i punës do të njoftohet në vijim.
Kujtojmë që deri më tani në vendin tonë 451 persona e kanë humbur jetën nga koronavirusi, ndërsa numri i përgjithshëm i të infektuarve ka shkuar në 17,055.
