Tatimet kanë miratuar 85% të kërkesave që kanë bërë bizneset për të marrë ndihmën financiare 40 mijë lekë.Sipas të dhënave të Drejtorisë së përgjithshme të Tatimeve, në total kanë aplikuar 26.265 biznese dhe 25.873 prej tyre kanë marrë miratimin. Refuzime ka patur vetëm për 40 kompani, të cilat nuk plotësonin kushtet për të përfituar nga ndihma financiare.
Deri tani janë 69 271 punonjës që kanë marrë shumë 40 mijë lekë, e vlefshme për muajt Prill, Maj dhe Qershor, ndërsa në total numri i punonjësve që kanë kërkuar pagën është 81.266, ku vetëm 146 janë refuzuar dhe pjesa tjetër është ende nën shqyrtim.
Brenda kësaj jave drejtoria e Tatimeve do të mbyllë shqyrtimet e aplikimeve për përfitimet e bizneseve nga paketa e zgjeruar dhe javën e ardhshme do të nisë puna për të hedhur pagën e dytë të luftës prej 26 mijë lekësh për bizneset e vogla dhe të vetëpunësuarit të cilët janë mbyllur për shkak të masave të marra kundër përhapjes së pandemisë Covid-19.Deri tani nga paketa e zgjeruar janë 19.5 milionë dollarë të derdhura në llogaritë e punonjësve që klasifikuar si përfitues të ndihmës shtetërore.
Përfitues të kësaj pakete janë të gjithë bizneset me xhiro deri në 14 milionë lekë në vit, edhe nëse lejohet të punojnë, me përjashtim të industrisë ushqimore, farmaceutikës dhe profesioneve të lira, industria e turizmit dhe punonjësit e shkarkuar nga puna deri më 10 Prill.
