Numri i vdekjeve nga koronavirusi në SHBA mund të jetë më pak nga sa është vlerësuar prej zyrtarëve të lartë të shëndetit nëse masat distancuese sociale bëhen siç duhet, tha të dielën filantropi miliarder Bill Gates.
Bashkëthemeluesi i Microsoft ka bërë thirrje ditët e fundit për një karantinim kombëtar për të kontrolluar përhapjen e virusit Covid-19, diçka që SHBA ka çaluar ta bëjë deri tani.
Anëtarët e ekipit shëndetësor të Presidentit Donald Trump javën e kaluar sugjeruan midis 100,000 dhe 240,000 vdekje gjatë dy muajve të ardhshëm nga pandemia e koronavirusit. Gates tha që kjo është e shmangshme.
“Nëse e bëjmë testimin dhe përfshijmë të 50 shtetet, do të jemi nën këtë parashikim. Sigurisht, ne do të paguajmë një çmim të madh ekonomik,” tha Gates
