Cigarja elektronike mund të dëmtojë qelizat vitale të sistemit imunitar dhe mund të jetë më e dëmshme se sa mendohej më parë, sipas një studimi. Hulumtuesit zbuluan se avujt e cigareve çaktivizuan qelizat imune të rëndësishme në mushkëri dhe nxitën inflamacionin. Megjithatë, Shëndeti Publik Anglez këshillon se ato janë shumë më pak të dëmshme sesa pirja e duhanit dhe njerëzit nuk duhet të hezitojnë t’i përdorin ato si ndihmë për heqjen dorë nga cigare.
Studimi i vogël eksperimental, i udhëhequr nga prof. David Thickett, në Universitetin e Birmingham, është botuar në internet në revistën Thorax.
Studimet e mëparshme janë fokusuar në përbërjen kimike të lëngut të cigareve elektronike para se të nxirret.
Në këtë studim, hulumtuesit krijuan një procedurë mekanike për të imituar cigaren eloktronike në laborator, duke përdorur mostra të indeve të mushkërive të ofruara nga tetë jo-duhanpirës. Ata zbuluan se avujt shkaktuan inflamacion dhe dëmtonin aktivitetin e makrofagjeve alveolare, qelizat që hiqnin grimcat, bakteret dhe alergenet potencialisht të dëmshëm. Ata thanë se disa nga efektet ishin të ngjashme me ato që shiheshin në duhanpirësit e rregullt dhe njerëzit me sëmundje kronike të mushkërive.
Rezultatet janë vetëm në kushte laboratorike dhe thonë se kërkimi i mëtejshëm është i nevojshëm për të kuptuar më mirë ndikimin afatgjatë të shëndetit, pasi ndryshimet e regjistruara nga studimi, kanë ndodhur vetëm për 48 orë.
Një studim i pavarur i provave të fundit mbi cigaret elektronike u botua nga Shëndeti Publik Anglez në shkurt.
Shqyrtimi arriti në përfundimin se kishte “prova të jashtëzakonshme” se ato ishin shumë më të sigurta se pirja e duhanit dhe “rreziku i papërfillshëm për ata që ndodhen përreth” dhe këshilloi që ata të ishin të gatshëm për recetë për shkak të suksesit të tyre në ndihmën që njerëzit të heqin dorë nga duhani.
Profesor Thickett tha, ndërsa cigaret elektronike ishin më të sigurta se cigaret tradicionale, ato mund të jenë ende të dëmshme në afat të gjatë, pasi kërkimi ishte në fillimet e tij.
“Për sa i përket molekulave që shkaktojnë kancer në tymin e cigareve, në krahasim me avujt e cigareve, sigurisht që ka numër të reduktuar të kancerogjenëve”, tha ai.
“Ata janë më të sigurt në lidhje me rrezikun e kancerit, por nëse ju kapni për 20 apo 30 vjet dhe kjo mund të shkaktojë COPD [sëmundje kronike obstruktive pulmonare], gjë e cila mbetet ende për tu konfirmuar.
“Unë nuk besoj se cigaret elektronike janë më të dëmshme sesa cigaret e zakonshme, por duhet të kemi një skepticizëm të kujdesshëm se ato janë aq të sigurta sa ne kemi duke u besuar”.
Martin Dockrell, udhëheqës i kontrollit të duhanit në Shëndetin Publik Anglez, tha: “Cigaret elegronike nuk janë 100% pa rrezik, por ato janë qartazi shumë më pak të dëmshme se duhani.
/AlpeNews.al