E gjithë vëmendja e botës është foksuar në këtë kohë pandemi edhe te konflikti mes Greqisë dhe Turqisë, dy vende anëtare të NATO-s rrezikojnë të hyjnë në një luftë për shkak të kufirit detar në detin Mesdhe.
Shkak i këtij konflikti të ashpër është bërë marrëveshja e re mes Greqisë dhe Egjiptit për ndarjen e ujërave territoriale dhe kërkimet e anije turke për naftë pranë kufirit detar grek.
Kryediplomati Nikos Dendias ka zhvilluar mbrëmë një bisedë telefonike me kryeministrin Edi Rama.
Nëpërmjet një postimi në Twitter, Dendias bën ditur se ka biseduar me Ramën për marrëdhëniet dypalëshe Greqi-Shqipëri, si dhe për zhvillimet në rajonin tonë. Nga kryeministri Rama nuk pasur reagim mbi telefonatën me Dendias dhe temat për të cilat është diskutuar.
Më herët vetë Dendias pati raportuar në Parlament se së shpejti do të arrihet edhe marrëveshja detare mes Shqipërisë dhe Greqisë, duke theksuar se shteti grek do të avancojë 12 milje. Pikërisht për çështjen e paktit detar mendohet se mund të ketë arsyeja e kësaj telefonate, duke mos përjashtuar gjithashtu edhe faktin çështjes së minoritetit ku Athina zyrtare ka përherë pretendime dhe e ka vendosur si kusht për procesin e negociatave të Shqipërisë me BE-në.
