Një afgan është vrarë këtë të shtunë në qendër të Athinës dhe sipas asaj që raportojnë mediat greke, dyshohet se dy autorët janë shqiptarë. Ngjarja ka ndodhur në orën 20:30, në kryqëzimin e rrugëve “Sofocleous” dhe “Menandrou”.
Viktima po ecte në rrugë kur dy persona iu afruan me një motorr e më pas njëri prej tyre e qëlloi me thikë në zemër. Po sipas mediave greke, ata janë larguar menjëherë pas atentatit duke shfrytëzuar errësirën e zonës.
Identiteti i afganit nuk është bërë ende i ditur, por mendohet se vrasja ka ardhur për shkak të prishjes së pazareve të përbashkëta të drogës.
