Policia e Kosovës po vazhdon me planet operative për konfisikimin e substancave narkotike.
Sot në Prishtinë, policia bënë të ditur se ka konfiskuar 64 kilogram e 800 gram me substancë narkotike marihuanë.
Me konkretisht sot rreth orës 05:15 të mëngjesit, njësitë e anti-drogës së Policisë në dalje të autostradës “Arben Xhaferi” ka ndaluar një veture që e voziste një shtetas i Shqipërisë.
“Sot rreth orës 05:15 të mëngjesit, nga njësitë e anti-drogës së Policisë së Kosovës në Prishtinë dhe me asistencë të njësisë së trafikut rajonal të Prishtinës, në dalje të autostrades ,,Arben Xhaferi ‘’ në Prishtinë, te rrethi afër një pompe të derivateve në Veternik është ndaluar vetura Pasat ngjyre e zezë me targa vendore të cilën e drejtonte i dyshuari mashkull shqiptar me inicialet: M.M. (viti i lindjes 1988) qyteti Kukës, shtetas i Republikës së Shqiperisë. Gjatë realizimit të kontrollit policor në automjetin e të dyshuarit, në bagazh i janë gjetur: 4 paketime të mëdha të mbushura me substancë narkotike të dyshuar si marihuanë, me peshë të pergjithshme prej 64 kilogram e 800 gram, gjithashtu është konfiskuar vetura në fjalë dhe 2 telefona celularë” bënë të ditur policia e Kosovës.
Në vendin e ngjarjes ka dal edhe krimteknika rajonale e Prishtinës e cila ka kryer fotografimin, incizimin dhe ka tërhequr substancën e dyshuar narkotike nga lokacioni.
Lidhur me rastin është njoftuar prokurori kompetent dhe i dyshuari është dërguar në qendrën e mbajtjes.
Policia, respektivisht njësitet anti drogë po vazhdojnë hetimet e nevojshme për të konstatuar edhe detaje tjera për prejardhjen dhe destinacionin e kësaj ngarkese të dyshuar.
Ndryshe, edhe dje policia kishte konfiskuar mbi 130 kg marihuanë dhe kishte arrestuar dy persona të dyshuar.
Policia mbetet fuqishëm e përkushtuar që në bashkpunim edhe me autoritetet tjera relevante në vazhdimesi të punoj për parandalimin e rasteve të abuzimit dhe trafikimit me substanca narkotike, dhe në aspektin ligjor do të ndermarr masa të ashpra ligjore ndaj të gjithë atyre që janë të involvuar në trafikim me substanca narkotike dhe vepra tjera të kunderligjshme që në një mënyrë apo tjetër cenojnë sigurinë e qytetarëve tanë.
