Presidenti Macron deklaroi nga Tirana, në krah të kryeministrit Edi Rama se Kosovës i është pezulluar procesi i liberalizimit të vizave. Procesi i liberalizimit të vizave ishte parashikuar që të ndodhte në janar të vitit 2024. Ndonëse Kosova, duke iu referuar konflikteve në veri të saj këto muajt e fundit, qasjeve të kryeministrit Albin Kurti, u paralajmërua nga BE me bllokim të procesit të liberalizimit të vizave, kjo gjë duket se ka ndodhur.
Kjo u konfirmua nga vetë Macron, i cili tha qartë se bllokimi i procesit të liberalizimit të vizave do të vijojë deri sa Kosova të plotësojë kushtet e saj, ndër to edhe asociacionin me komunat serbe.
“Siç e dini, ne ndjekim me vigjilencë tensionet që ekzistojnë mes Prishtinë dhe Beogradit. Franca dhe Gjermania kanë bërë një udhërrëfyes, dhe presim përgjigje është përgjegjësi e Vuçiçit të dënojë sulmin se sjell qetësinë në veri. Ajo që presim nga autoritete serbe dhe kosovare, është riorganizimi i zgjedhjeve në komunat ku u bënë në kushte të pa përshtatje, pjesëmarrjen e serbëve në zgjedhje, njoha e asociacionit nga autoritetet kosovare. Pres që zoti Vuçiç të jetë përgjegjës. Pres dhe nga presidentja dhe kryeministri. Ne u kemi besuar për çështjen e vizave dhe u pezullua nga ana e Francës se ka të bëjë me respektin e fjalës së dhënë dhe fjala nuk është mbajtur. Pres që të angazhohen të dyja palët që të ecim përpara në javët e ardhshme, është kushti i paqes në të gjithë zonën”, tha Macron.
Kujtojmë se masat ndëshkuese ndaj Kosovës përfshijnë pezullimin e përkohshëm të punës së trupave të krijuara në bazë të Marrëveshjes së Stabilizim Asociimit, mos ftesën e saj në takime të nivelit të lartë dhe pezullimin e vizitave bilaterale, përveç atyre që fokusohen në adresimin e krizës në veri, në kuadër të kornizës së dialogut të lehtësuar nga BE-ja. Gjithashtu, pezullohet programi i fondeve për Kosovën nga IPA 2024.
