Në konferencën me bankat për rritjen ekonomike në Shqipëri, Rama zgjodhi ta mbyllë fjalën e tij duke kujtuar themeluesin e shtetit shqiptar. Ai tha se objektivi i tij për një sistem të pavarur bankar në shërbim të ekonomisë së vendit është realizuar.
“Po e mbyll me një shprehje të Ismail Qemali që i shkon shumë jo vetëm konferencës por edhe sistemit që kemi sot. Një dëshirë e realizuar e atit të shtetit shqiptar. ‘Një sistem i pavarur bankar në shërbim të ekonomisë së vendit do të ishte pavarësia e dytë e Shqipërisë’. Është një objektiv i realizuar. Kemi një Bankë të Shqipërisë që mbetet model rrezatues për çdo institucion të pavarur në letër dhe që kërkon të jetë i pavarur në realitet. Lum si ju që keni bankat e Shqipërisë!”, përfundoi kryeministri.
