Ndahet nga jeta krejt papritur Suzana Dibra, spikerja e Radio Shkodra, një zë emblematik që tashmë do i mungojë gjithkujt që e ka dëgjuar qoftë dhe njëherë të vetme.
Kolegët e prisnin të jepte edicionin kryesor të lajmeve por iu desh të jepnin lajmin e hidhur për ndarjen nga jeta të Suzanës e cila pësoi atak kardiak këtë paradite.
Kolegu i saj Ardian Hoti e rrëfen kështu momentin e marrjes së lajmit të kobshëm:
“Suzana Dibra, zëri embleme i Radio Shkodrës, tashme do të na mungoje..!
E prisnim ne Radio sot për të dhënë bashkë edicionin e lajme kryesore por na erdhi lajmi i trishtë i ndarjes së saj nga jeta..!!! Zana Dibra, mikja dhe kolegia jonë e mirë, na shokove dhe trishtove pa masë me vdekjen e parakohshme!
Pushofsh në paqe!”.
Suzana Dibra, ose Zana siç e thërrisnin dhe njihnin të gjithë miqtë e dashamirësit, punonte prej 40 vitesh në radio dhe ishte ishte kthyer në një embleme të padiskutueshme me zërin e saj të veçantë.
Sot Zana pësoi atak kardiak duke lënë pas shumë dhimbje te familjarët miqtë e dashamirësit.
