Gjykata e Posaçme e Apelit le të pandryshuar masën e sigurisë “arrest në burg” për Bajron Gumenin, i akuzuar për “trafik të narkotikëve”, lidhur me sasinë prej 11.6 kg kokainë nga Ekuadori.
Gumeni është administrator dhe aksioner i “Alba Exotic Fruit”. Në kontejnerët që vinin për llogari të kësaj kompanie janë kapur disa sasi kokaine në portin e Durrësit.
Sjellim në vëmendje se Bajron Gumeni u arrestua në lidhje me kokainën e kapur rreth një muaj më parë në portin e Durrësit, pasi ishte administrator i firmës “Alba Exotic”, kompanisë që importon banane dhe që në kontejnerin e të cilës u kap sasia prej 11 kg e 650 gram kokainë më 14 korrik.
Pas kësaj ngarkese në kontejnerët e kompanisë Alba Exotic, u kapën të tjera sasi kokaine të fshehura në kontejner.
