Ambasadorja e SHBA, Yuri Kim ka marrë pjesë në konferencë e Dhomës Amerikane për Klimën e Biznesit, ku ka bërë thirrje qeverisë dhe të gjithë klasës politike që të bashkëpunojnë dhe të luftojnë korrupsionin, të rikthejnë besimin te populli shqiptar dhe përmirësojë klimën politike në vend, pasi vetëm në këtë mënyrë do të mund të tërheqin investimet si dhe të krijojnë një standard më të mirë jetese për shqiptarët.
Kim shprehet se shqiptarët janë të lodhur nga politika dhe gjithçka që kërkojnë janë luftimi i korrupsionit dhe një e ardhme më e mirë për ta, dhe për këtë tha Kim politika duhet të ecë para me luftën ndaj korrupsionit dhe zbatimin e reformës në drejtësi.
“Lidhur me klimën e biznesit dhe kemi marrë mendime nga shumë investitorë. Rritja e mundësive të biznesit të amerikanëve është një nga prioritetet e mia këtu në Shqipëri. Anketimi tregon një rënie në klimën e biznesit 2019, përveç tërmeteve, ka edhe pengesa strukturore që bëhen pengesë. Disa problematika janë: Klima politike, Konkurrenca e padrejtë, Korrupsioni. Në tre prioritetet që kam që është rritja e marrëdhënieve për mbrojtjen dhe rritja e investimeve, secila ndikohet nga korrupsioni, shpresoj që komiteti i biznesit do të shikojë për zgjidhje praktike. Pres të shoh vizionin e dhomës amerikane për rritjen e investime, si do rritet punësimi dhe si do të tërhiqen investimet amerikane. Janë pyetje për dhomën amerikane dhe për qeverinë. Njerëzit janë të mërzitur nga deklaratat duan politika për të arritur një standard të mirë jetese. Shqiptarët duan zgjidhje dhe që udhëheqësit të punojnë së bashku dhe qeveria të mundësoj një të ardhme më të mirë, të luftohet korrupsioni dhe të kenë një ekonomi më të mirë. Sërish ju sfidoj të gjithëve që ta përdorni raportin e sotëm për të korrigjuar gabimet. Populli shqiptar do rezultate, vizion dhe mbetem besimplotë se politika shqiptare është e aftë ta kalojë këtë sfidë, SHBA do ju mbështes gjithmonë”, tha Kim.
