4 besimet fetare në Shqipëri kontestojnë vendimin e qeverisë që i ka hapur rrugën komunitetit LGBT për të realizuar orë të hapura bashkëbisedimi dhe këshillimi në gjimnazet e Tiranës mbi fenomenin e bulizmit.
Shqetësimi më i madh i ngritur nga institucionet fetare është propagandimi dhe indoktrinimi që sipas tyre po I bëhet brezit të ri nga organizata gay, lesbikë, biseksual, transgjinor, në kundërshti me ligjet dhe programet mësimore.
Përfaqësues të katër besimeve thanë se mbështesin aktin moral të drejtoreshës së shkollës ‘Sami Frashëri’ ndërsa i benë thirrje qeverisë të anulojë vendimin e marrë si dhe të kërkojë ndjesë publike.
Ndërkohë as qeveria dhe as ministria e linjës nuk po reagojnë në lidhje me çështjen si një tentativë për të shuar debatin e nxehtë që ka përfshirë thuajse të gjithë shoqërinë.
