Ish-kryeministri Berisha e ka konsideruar si “mega krim” projektine Portit të Durrësit dhe sipas tij prapa kësaj afere fshihen “klani më mafioz i Evropës, ai i Ramës”.
Gjatë mbledhjes së grupit parlamentar, ai u dha porosi deputetëve që të lexojnë me vëmendje buxhetin për vitin 2023, duke theksuar “do godasim me forcën më të madhe çdo projektim të tij për oligarkët, të kundërshtohet sepse gjithçka është ndihmë për pushtetin e krimit të Ramës.”
Berisha: “Ky shkatërron Portin, merr për familjen e tij, kujt ia fsheh emrin ai përveç vetes së tij. Si mund të guxojë nëse nuk është vetë prapa të fshehë emrat e aksionerëve. Ka ligj kombëtar e ndërkombëtar transparenca. Fshihen se janë klani më Mafioz i Evropës, klani Rama. Ai kalon si sharës ordiner. Mendon se duke sharë huton shqiptarët, do thonë shih ca thotë ky. Edhe gojën e ndyrë e përdor për të mbuluar vjedhjet, gojën që tregon se e ka për… të mos prish gojën time, e ka vetëm për të mbuluar vjedhjen.
Kjo nuk ecën, është krim, mega krimi. Më i madhi që ka ndodhur ndaj këtij populli. Ky po kthen në pasuri personale pasuritë e popullit bashkë me Olsin e tij dhe Olsat e tjera të drogës. Thotë hajdeni blini apartamentet e mia se ua legalizoj unë paratë, Janë të lidhura qartë si drita e diellit. Ndaj edhe shumë e rëndësishme qytetarëve tu flasim dhe tu shpjegojmë se ç’po ndodh në kurriz të tyre. Porti pasuria më e vlefshme e vendit, nuk krahasohet me asnjë tjetër.
Do e kundërshtojmë me të gjitha mjetet, procesi lidhet me largimin e Ramës. Duhet të mbrojmë fuqishëm interesat e qytetarëve, interesat e biznesit, të godasim me forcën më të madhe çdo projektim të buxhetit për oligarkët, të lexohet me vëmendje të madhe dhe të kundërshtohet sepse gjithçka është ndihmë për pushtetin e krimit të Ramës.”