Presidenti i Kroacisë, Zoran Milanoviç ka kritikuar vendimin e anëtarëve të NATO-s që të dërgojnë tanke në Ukrainë, duke e quajtur këtë “çmenduri”.
“Jam kundër që të dërgohen armë vdekjeprurëse atje. Kjo e zgjat luftën”, ka deklaruar Milanoviç, raporto CNN.
“Cili është qëllimi? Mosintegrimi i Rusisë, ndryshimi i qeverisë? Ka po ashtu diskutime për ndarjen e Rusisë. Kjo është çmenduri”, ka shtuar ai.
Milanoviç i cili është lider i shtetit më të ri anëtar të Bashkimit Evropian, e ka kritikuar vazhdimisht Perëndimin për përfshirje në luftën e Ukrainës.
Javën e kaluar ai ka ripërsëritur qëndrimin e tij se “Rusia po i rregullon llogaritë me amerikanët përmes Ukrainës”, dhe se lufta do të mund të zgjidhej ndërmjet Washingtonit dhe Moskës.
Komentet e tij vijnë një javë pasi Shtetet e Bashkuara dhe aleatët e NATO-s, përfshirë Gjermaninë morën vendim për të dërguar në Ukrainë tanke.