Detaje të reja janë zbuluar nga ngjarja e mbrëmjes së sotme në Librazhd.
Dyshohet se autori ka pasur për objektiv një tjetër person, duke ngaterruar ‘shenjestren’.
Mësohet se Skurra ndodhej në një lokal së bashku me disa të rinj.
Sipas njoftimit të policisë, 35-vjeçari Skura është transportuar në spital për ndihmë mjekësore dhe aktualisht ndodhet jashtë rrezikut për jetën, ndërsa është shpallur në kërkim autori.
Njoftimi i policisë:
Plagosi me armë zjarri një 35 vjeçar, Policia identifikon dhe shpall në kërkim autorin e dyshuar.
Vijon ndjekja për kapjen e autorit, shtetasit A. B., 27 vjeç nga Librazhdi.
Shërbimet e Komisariatit të Policisë Librazhd rreth orës 19:00, kanë marrë njoftim se në lagjen nr 1 Librazhd, një shtetas ka plagosur me armë zjarri një shtetas tjetër.
Menjëherë shërbimet e Policisë kanë shkuar në vendngjarje dhe falë veprimeve të shpejta kanë bërë të mundur identifkimin e autorit të dyshuar, shtetasin A. B., 27 vjeç, banues në Librazhd, dhe janë vënë në ndjekje të tij.
