Nëse jeni e prirë për akne dhe puçrra mënyra më e mirë për të eliminuar qimet e fytyrës është laseri.
Nëse vuani nga një sëmundje autoimune si lupusi, lëkura juaj është shumë më e ndjeshme ndaj djegies ose irritimit, ndaj duhet të keni kujdes para se t’i nënshtroheni një ndërhyrjeje të tillë.
Shqetësimi më i madh i femrave është nëse pas depilimit qimet do të rriten më të trasha ose të errëta. Ajo që duhet të dini është se nëse qimet shkulen me rrënjë, dalja e tyre do të rrallohet dhe do të jenë të zbehta, por nëse qimet këputen atëherë do të ishte problem.
Disa femrave mund t’u zgjasë skuqja disa minuta, ndërsa disa të tjera mund t’u zgjasë me orë. Mund të bëni një maskë qetësuese ushqyese me përbërës natyrale si qumështi, aloe vera apo mjalti.
Pak skuqje dhe acarim janë normale, por nëse vëreni puçrra kjo mund të jetë shenjë paralajmëruese se folikulat e qimeve janë inflamuar.
Kjo gjë mund të shkaktohet nga ekspozimi ndaj baktereve të dyllit ose pajisjeve të punës dhe të rezultojë në një infeksion. Në këtë rast duhet të vizitoni mjekun.
