Ish- presidenti Bujar Nishani është shprehur se në zgjedhjet parlamentare të 25 prillit, kishim një pjesëmarrje të ulët pasi opozita nuk arriti të thitë elektoratin.
Sipas tij, qytetarët nuk shkuan të votojnë sepse nuk duan të mbështesin qeverinë por, shton se ata nuk kishin besim as tek opozita.
“PD nuk arriti të kontrollonte territorin dhe kjo u faktua nga pjesëmarrja e ulët në qendrat e votimit. Jemi më pak se në 2017 që do të thotë, nuk ka mbështetje më për qeverinë aktuale dhe nga ana tjetër nuk kanë besim tek opozita.
Nuk e gjeti çelësi e suksesit gjatë fushatës. PD nuk thithi elektoratin shqiptar. Ne kemi probleme të mëdha me emigrantët. Nëse do kishim 65 % pjesëmarrje tani qeveria aktuale do ishte një opozitë e papërfillshme. “, tha ai.
Më tej, Nishani ka komentuar mbi deklaratën e Lulzim Bashës nga selia blu pas humbjes dhe sipas ish-presidentit ai duhet te falënderonte mbështetësit dhe të jepte dorëheqjen.
“Padyshim që kisha pritshmëri sepse kultura ime politike është modeli që kemi mësuar nga shkolla e perëndimit.
Kur një projekt dështon duhet të kërkosh falje dhe të falënderosh mbështetësit e tu edhe tërhiqesh për ti hapur rrugën një modeli të ri. Dinamika duhet të vazhdojë.”, u shpreh Nishani.
