Presidenti francez Emmanuel Macron thotë se vendet evropiane duhet të forcojnë qëndrimin kolektiv kundër Izraelit nëse ky i fundit nuk i përgjigjet në mënyrë të përshtatshme situatës humanitare në Gaza.
Macron u shpreh se me presionin ndërkombëtar në rritje mbi Izraelin për shkak të thellimit të krizës së urisë në Gaza, veprimi është i nevojshëm “brenda orëve dhe ditëve të ardhshme”. Ai gjithashtu pohoi se njohja e një shteti palestinez nuk ishte vetëm një detyrim moral, por edhe një domosdoshmëri politike.
Ministri i Mbrojtjes, Israel Katz, u zotua të premten se do të ndërtojë një “shtet hebre-izraelit” në Bregun Perëndimor të pushtuar, një ditë pasi qeveria njoftoi krijimin e 22 vendbanimeve të reja në territor.“Kjo është një përgjigje vendimtare ndaj organizatave terroriste që po përpiqen të dëmtojnë dhe dobësojnë kontrollin tonë mbi këtë tokë – dhe është gjithashtu një mesazh i qartë për Macron dhe bashkëpunëtorët e tij: ata do ta njohin një shtet palestinez në letër, por ne do ta ndërtojmë shtetin hebre-izraelit këtu në tokë”, deklaroi Katz.
“Nëse nuk do të kishte përgjigje në përputhje me situatën humanitare në Gaza “në orët dhe ditët në vijim … do të na duhet të forcojmë qëndrimin tonë kolektiv”, tha Macron gjatë një vizite në Singapor.
