Sot në Dragot të Tepelenës kanë nisur kërkimet për eshtrat e ushtarëve greke, bazuar në një marrëveshje të arritur mes ministrave të Jashtëm të Shqipërisë dhe Greqisë. Por sipas historianit Kastriot Dervishi këto nuk janë kërkimet e para që po kryhen në këtë zonë. Madje ai ka publikuar në rrjetin social edhe dokumentin e vitit 1985, kur është bërë zhvarrosja e parë në Dragot dhe që nga hapja e 674 varreve nuk është gjetur asnjë eshtër.
“Dragoti midis dy zhvarrimeve të viteve 1985 dhe 2018 . Sot u kryen në Dragot të Tepelenës gërmime për zhvarrimin e ushtarëve grekë të vrarë gjatë Luftës Italo-Greke të viteve 1940-1941, në pjesën e territorit të shqiptar. Për të vënë në dukje se ky nuk ishte gërmimi i parë, por i dyti, po rikujtoj procesin e parë, referuar nga procesverbali i 33 vjetëve më parë. Sipas këtij dokumentacioni, më 5-14 shtator 1985 u hapën 674 varre si dhe 220 gropa (në të cilat nuk u gjetën eshtra).”, shkruan Dervishi.
