Shtyrja e votimit të Projektligjit për sa i përket Shkollës së Magjistraturës që lidhet edhe me emërimet e Prokurorëve dhe të Gjyqtarëve ka reaguar edhe kreu i grupit parlamentar i PS, Taulant Balla.
Lidhur me kërkesën e Opozitës për anulimin e votimit për projekligjin e Teatrit ka komentuar kështu:
Nuk është arsye për të bllokuar punimet e Kuvendit sot, dhe asnjë ditë tjetër me pretekstin se vota e Z.Tavo është një votë tjetër e një deputeti tjetër. Unë jam informuar paraprakisht nga përfaqësuesit e PS në Sekretariat që kanë administruar kërkesën në radhë të parë, kanë administruar edhe videot e Kuvendit ku duket qartë që një deputet i caktuar, anëtar i grupit të LSI ka shkuar ku ka marrë kartën e votimit të Z.Tavo dhe ka votuar në emër të një deputeti tjetër.Duhet të sqaroj se për mua është i rëndësishëm pozicionimi dhe bllokimi i seancës së Kuvendit. Më vjen keq që Opozita e vendit tim ka degraduar në këtë veprim, ku bën një veprim vetë dhe shkruan një kërkesë ku kërkon të anulohet një votim i rremë, kur ka votuar vetë në mënyrë të tillë.
/AlpeNews.al