Kryetari i Komitetit ushtarak të NATO-s, Petar Pavel, mbrëmë kumtoi se Aleanca ka për qëllim në shkurt vitin e ardhshëm të vendos ndryshime në strukturën e saj komanduese.
Prej tij u kërkua ta komentojë shkrimin në gazetën “Uollstrit xhërnal”, ku shkruan për qëllimet e NATO-s të krijojë dy komanda të reja, për shkak të kërcënimeve nga ana e Rusisë.
Në përgjigje të kësaj, Pavel njoftoi se gjatë dy dekadave të fundit, personeli i Aleancës në strukturën komanduese u zvogëlua prej 23.000 në rreth tetë mijë persona.
“Ky nivel është ‘i mjaftueshëm për kohëra të qeta'”, tha kryetari i Komitetit ushtarak të NATO-s.
Ai theksoi se Aleanca ka konstatuar se “në strukturën tonë komanduese ka mungesa të cilat janë paraqitur në periudhën e krizave dhe posaçërisht gjatë konfliktive të armatosura”.
“Ato mungesa i kanë zbuluar njerëzit të cilët e kryejnë komandën strategjike. Personat i prezantuan qëndrimet e tyre për funksionimin e modelit të strukturës komanduese të NATO-s”, tha Pavel.
Ai shtoi se ato ide janë shqyrtuar kryesisht nga komandatët e lartë.
“Më vonë ato do t’u prezantohen ministrave të mbrojtjes. Nëse ata nuk pajtohen, do të jetë shumë herët të mendohet për punë konkrete”, potencoi Pavel.
Ai vlerësoi se zhvillimi i mëtejshëm i situatës në atë sferë varet nga “vullneti politik”.
“Vendimet për variantet përfundimtare priten të merren në takimin e ministrave të mbrojtjes, që u parashikua për më 18 shkurt”, tha Pavel.
Kryetari i Komitetit ushtarak të NATO-s konstatoi se NATO-ja dhe Rusia kanë arritur t’i bëjnë hapat e parë drejt ripërtëritjes së marrëdhënieve.
Lidhur me takimin e sotëm të rregullt të Këshillit të NATO-s dhe Rusisë në Bruksel, Pavel tha se në të së pari do të shqyrtohet situata në Ukrainë, si dhe aktivitetet ushtarake të të dy palëve, garantimi i transparencës së tyre dhe zvogëlimi i rreziqeve dhe situata në Afganistan.
/AlpeNews.al/
